प्रधानन्यायाधीशको प्रश्न- संविधान जिउँदो राख्न ओलीले पद छाड्न किन नसकेको ?

काठमाडौं । प्रतिनिधि सभा विघटनविरुद्ध परेको रिट निवेदनमाथि आज पनि बहस जारी छ । आजका बहसका क्रममा प्रधानन्यायाधीश चोलेन्द्र शमशेर राणाले संविधान जोगाउनका लागि केपी शर्मा ओलीले प्रधानमन्त्री पद छाड्न किन नसकेको भन्दै प्रश्न गरेका छन् ।

प्रधानमन्त्री ओलीका निजी कानुन व्यवसायी अधिवक्ता पर्शुराम कोइरालालाई प्रधानन्यायाधीश राणाले सो प्रश्न गरेका हुन्। ‘विश्वासको मत पाउने सम्भावना थिएन भने संविधान जिउँदो राख्न केपी शर्मा ओलीले अरुलाई पनि दिन सक्नु हुन्थ्यो नि, हैन ?’ राणाले प्रश्न गरे ।