बर्दघाटको राष्ट्रपति रनिङ शिल्ड दोस्रो दिन विभिन्न खेल सम्पन्न

माघ १७, नवलपरासी,

बर्दघाट नगर स्तरिय अन्तर विद्यालय चौँथो राष्ट्रपति रनिङ शिल्ड प्रतियोगिताको आज (बुधबार) दोस्रो दिन विभिन्न खेलहरु सम्पन्न भएका छन ।

भलिबल, कबड्डी, दौड, तेक्वान्दो, उसु, हाइजम्प लङजम्पलगायतका खेलहरु सम्पन्न भएको खेल अफिसियल बिनोद ज्ञवालिले जानकारी दिनु भयो । ज्ञवालीका अनुसार छात्रा भलिबलमा १३ टिमहरु सहभागी रहेका थिए ।

रनिङ शिल्डमा प्रतियोगितामा सस्थागत र सामुदायिक गरि २४ वटा विद्यालयहरु बाट करिब ११ सय विद्यार्थीहरु सहभागी रहेका छन । बुधबार देखी सुरु भएको चौथो राष्ट्रपति रनिङ शिल्ड प्रतियोगिता बर्दघाट नगरपालिकाको आयोजनामा न्यु लाइफ माध्यमिक विद्यालयले सञ्चालन गरेको छ ।

प्रतियोगिता भोलि (शुक्रवार) समापन गरिने न्यु लाइफ माध्यमिक विद्यालयले जानकारी दिएको छ ।