हिसान खेलकुद सप्ताह भोलिदेखि

उच्च शिक्षालय तथा माध्यमिक विद्यालय संघ नेपाल ९हिसान० को संयोजन तथा हिसान काठमाडौं जिल्ला कार्यसमितिको आयोजनामा चौथो हिसान उपत्यकाव्यापी खेलकुद सप्ताह बिहीबारदेखि सुरु हुँदैछ ।फुटसल, बास्केटबल, भलिबल, टेबलटेनिस र टग अफ वारमा प्रतिस्पर्धा हुने खेलकुद सप्ताहका संयोजक रामहरि सिलवालले बुधबार आयोजित पत्रकार सम्मेलनमा जानकारी गराए । माकलवारीमा हुने फुटसलको ब्वाइजमा २५ र गल्र्समा ७ टिम सहभागी हुने छन् ।

बसुन्धारास्थित ऋत एकेडेमीमा हुने बास्केटबलको ब्वाइजमा २५ र गल्र्समा ८ तथा नेसनल मावि, बालकुमारीमा हुने भलिबलको ब्वाइजमा १८ र गल्र्समा १० टिमको सहभागिता रहने छ ।नयाँ बानेश्वरको प्रिमियर कलेजमा हुने टेबलटेनिसमा ४० प्रतिस्पर्धीले भाग लिने बताइएको छ । टेबलटेनिसमा ब्वाइज÷गल्र्स सिंगल्स र डबल्स स्पर्धा समावेश छन् । प्रिमियरमै हुने टग अफ वारमा २२ टिमले सहभागिताका लागि नाम दर्ता गराएका छन् ।

खेलकुद सप्ताह सञ्चालनका लागि करिब १५ लाख रुपैयाँ खर्च हुने हिसानका केन्द्रीय अध्यक्ष रमेश सिलवालले जानकारी गराए । ‘पहिलो मित्रता अनि प्रतिस्पर्धा’ भन्ने नाराका साथ हुन लागेको खेलकुद सप्ताहकै दौरान कविता, बक्तृत्वकला र हाजिरी जवाफ पनि हुने आयोजकले जनाएको छ ।