बुटवलको कोरोना अस्पतालमा एक संक्रमित महिलाको मृत्यु

रुपन्देहीको बुटवल स्थित कोरोना विशेष अस्पतालमा एक संक्रमित महिलाको मृत्यु भएको छ । मृत्यु हुनेमा बुटवल उपमहानगरपालीका १४ की ७१ वर्षीया महिला रहेकी छन् । गत कात्तिक ६ गते पिसिआर परिक्षण गर्दा पोजेटिभ आएपछि अस्पतालमा भर्ना गरिएकी उनको बुधवार बिहान साढे ११ बजे मृत्यु भएको अस्पतालका सुचना अधिकारी डा विष्णु गौतमले बताए । मृतक दीर्घरोगी रहेको र उनमा श्वासप्रश्वासको समस्या रहेको डा गौतमले जनाए ।