बुटवल , २३ मंसिर । बुटवलमा रहेको शिद्धार्थ ईन्टरनेशनल कलेजले विद्यार्थीलाई शेयर बजारको तालिम सञ्चालन गरेको छ । विद्यार्थीलाई शैद्धान्तीक मात्र नभएर ब्यहारिक ज्ञान दिने उद्देश्यले बुटवलमा एक कार्यक्रमको आयोजना गरि शेयर बजार सम्बन्धि तालिम सञ्चालन गरेको हो ।क्याम्पसका संस्थापक तथा सिटिन्स बैंकका प्रदेश प्रमुख प्रदिप कुमार श्रेष्ठले शेयर बजारको माध्यमबाट नै विश्व कै धनाढ्य ब्यक्ति बन्न सकिने उदाहरण दिँदै थोरै लगानीबाटै धनि बन्न सकिने माध्यम शेयर बजार बन्न सक्ने बताए ।
उनले थोरै समयको लगानीबाट छिटो र छरितो माध्यमबाट शेयर बजारमा प्रवेश गर्न सकिने बताए । जिवनको लक्ष्य प्राप्तीको लागि लगनशितामा जोड दिन श्रेष्ठले विद्यार्थीलाई सुझाब दिए ।क्याम्पस प्रमुख डासिराम भण्डारीले क्याम्पसले विद्यार्थीलाई शैद्धान्तीक मात्र नभएर ब्यहारिक ज्ञान पनि प्रदान गर्दै आएको जानकारी दिए ।यसको लागि क्याम्पसले अतिरिक्त क्रियाकलाम सञ्चालन गर्दै आएको उनले बताउँदै यसअघि विद्यार्थीलाई बिमा सम्बन्धी तालिम सञ्चालन गरिएको र अब बैंङ्की सेमिनार सञ्चालन गरिने बताए ।कार्यक्रम संयोजक प्रेमराज पोखरेलले शेयर बजार अहिलेको जल्दोबल्दो विषय भएको र यसको माध्यमबाट जिवन निर्वाहको बाटो बन्न सक्ने बताए ।
विद्यार्थीलाई किताबी ज्ञान मात्र नभएर ब्यहारिक ज्ञानको आवश्यकता रहेकाले क्याम्पसले तालिम सञ्चालन गरेको बताए ।तालिमका श्रोतब्यक्ति अच्युत पन्थले शेयर बजारमा कसरी प्रवेश गर्ने ,लगानी र यसको अहिलको अवस्थाको बारेमा जानकारी दिनु भयो ।क्याम्पसका प्रध्यापक दिपक भण्डारीले क्याम्पसले शैक्षिक विकासँगै विद्यार्थीले बजारमा कसरी आय आर्जन र प्रतिस्प्रर्धा गर्न सकिन्छ भनेर तालिम सञ्चालन गर्दै आएको जानकारी दिए ।क्याम्पसले ब्यवस्थापन विषयमा अध्ययन गराउँदै आएको र यससँग सम्बन्धी ब्यहारिक ज्ञान दिनको लागि विभिन्न क्रियाकलाप गराउँदै आएको बताए ।
थप समाचार
शान्ति नमुनामा विभिन्न रचनात्मक कार्यक्रम
