इलाम – चिकित्सा शिक्षामा सुधारसंगै ६ बुँदे मागसहित आमरण अनसनरत सत्याग्रही डा गोविन्द केसीको सत्याग्रह जारी रहेको छ । पुस २५ गतेदेखि थालेको उनको अनसनको पाँचौं दिनसम्म आइपुग्दा आइतबार स्वास्थ्य निकै कमजोर भइसकेको छ । उनको स्वास्थ्य झनै खस्किएपछि शुक्रबारदेखि नै भुइँबाट बेडमा सारिएको थियो । उनका सहयोगी स्थानीय चिकित्सक डा रामकृष्ण आचार्यले स्वास्थ्य गम्भीर भएकाले थप साबधानी अपनाउन आग्रह गरिरहेका छन् ।
समर्थक बढ्दै
इलामको चिसोमा अनसन बसेका डा केसीको आन्दोलनमा ऐक्यवद्धता जनाउनेहरु बढेका छन् । दिनानुदिन र्याली तथा जुलुस भइरहेका छन् । अनसनको दोस्रो दिन स्थानीय महिलाहरुले ‘डा गोविन्द केसी तिमी एक्लो छैनौ’ भनेर साथ दिएका थिए भने त्यसपछि विभिन्न समूह तथा संस्थाले ऐक्यवद्धता जनाइरहेका छन् । आइतबार पनि समर्थन स्वरुप विशाल र्यालीको तयारी भइरहेको छ ।
सरकारी पक्ष पन्छिँदै
डा केसीको स्वास्थ्य खस्किँदासमेत सरकारी पक्ष भने पन्छिरहेको छ । डा केसीका मागको कुनै तुक नभएको भनिरहेको छ । वार्ता र सम्वादको कुनै पनि पहल नहुँदा उनका समर्थकहरु पनि अलमलमा परेका छन् । तर उनको अनसनमाथि थप उर्जा दिने काम भने भइरहेको छ ।
थप समाचार
बुटवल हस्पिटलमा उपचार सहकार्यका लागि सम्झौता
