आज शुक्रबार, कस्ता कार्यका निम्ति शुभ रहनेछ

श्रीगणेशाय नमः ।। आज विक्रम संवत् २०७५ साल माघ महिनाको १८ गते शुक्रबार हो । वर्तमानमा विरोधकृत् नामक संवत्सर चलिरहेको छ । सूर्य उत्तरायणमा छन् । हेमन्त ऋतु अन्तर्गत माघ कृष्णपक्षको द्वादशी तिथि बेलुका ८।२७ बजेसम्म रहनेछ । यो महिनाका देवता माधव र मासदेवी रुक्मिणी हुन् । सूर्य मकर राशिमा रहेका छन् भने वृहस्पति वृश्चिक राशिमा छन् । मूल नक्षत्र राति १०।४४ बजेसम्म रहनेछ । आज व्याघात योग र कौलव करण रहेको छ । यसैगरी आज सूर्योदय ६।५३ मा छ भने सूर्यास्त बेलुका ५।४२ बजे हुनेछ । चन्द्रमा आज धनु राशिमा छन् । आज शुक्रबार भगवतीको उपासना शुभ रहनेछ । उपप्राध्यापक नारायणप्रसाद निरौला ज्योतिषाचार्य, वास्तुविद्