काठमाडौं-लगातार वर्षाको कारण न्युजिल्याण्ड र भारतबीच आजबाट हुने भनिएको विश्व टेष्ट च्याम्पियनसिप फाइनल खेलको पहिलो दिन टस पनि नभई ‘स्टम्पिङ’ भएको छ।खेल नेपाली समय अनुसार दिउँसो ३:१५ मा इंग्ल्याण्डको दी रोज बाउल स्टेडियम साउथह्याप्टनमा सुरु हुने भनिएपनि मैदानमा पानी जमेका कारण टस समेत गराउन सकिएको थिएन।
लगातार वर्षा र मैदानमा जमेको कारण खेल भोलि पनि शुरु हुने सम्भावना न्यून रहेको छ।पहिलोपटक भएको टेष्ट च्याम्पियनसिपमा आईसीसीका नौ उत्कृष्ट राष्ट्रले दुई वर्षसम्म प्रतिस्पर्धा गरेका थिए। यी मध्ये भारत शीर्ष र न्युजिल्याण्ड दोस्रो स्थानमा रहँदै फाइनलमा स्थान बनाएका हुन्।न्युजिल्याण्ड र भारतले दुई दशकपछि आईसीसीको प्रमुख प्रतियोगिता फाइनलमा प्रतिस्पर्धा गर्न लागेका हुन्। विश्व टेष्ट वरियतामा न्युजिल्याण्ड शीर्ष र भारत दोस्रो स्थानमा छन् प्रतियोगिताको उपाधिको लागि भारतको कप्तानी विराट कोहलीले तथा न्युजिल्याण्डको कप्तानी केन विलियमसनले गर्दैछन्।
भारतले न्युजिल्याण्डसँग सन् २०१६ देखि अहिलेसम्म पाँच खेल खेलेको छ। जसमध्ये भारतले तीन तथा न्युजिल्याण्डले दुई खेलमा जित हात पारेका थिए। पछिल्लो दुई खेलमा न्युजिल्याण्डले भारतलाई पराजित गरेको थियो।
थप समाचार
शान्तिमा जारी फुटबलमा सेमिफाइनल समिकरण पूरा
शान्ति नमुनामा सेभेन ए साइड फुटवल शुरु
