भरत प्रधान ,लिस्बन, २० फागुन । नेपाली कांग्रेसकी केन्द्रीय सह–महामन्त्री एवं पूर्व मन्त्री महालक्ष्मी उपाध्याय (डिना) ले गाली र आलोचना गरेर मात्रै देश नबन्ने बताउनुभएको छ ।नेपाली काँग्रेसको प्रवासी भातृ संगठन नेपाली जनसम्पर्क समिति पोर्चुगलले शुक्रबार राजधानी लिस्बनमा आयोजना गरेको अन्तरक्रिया तथा भेटघाट कार्यक्रमलाई सम्बोधन गर्दै सहमहामन्त्री उपाध्यायले देश बनेन भनेर आलोचना गर्दैमा र नेताहरुलाई गाली गर्दैमा देश नबन्ने बताउनुभएको हो । उहाँले देश बनाउनका लागि सकारात्मक मानसिकताका साथ परिवर्तनको बाटोमा लाग्नुपर्ने बताउनुभयो ।
बिदेशमा जस्तोसुकै काम गर्न तयार हुने तर आफ्नो देशमा केही गर्न तयार नहुने प्रबृत्तिका कारण बेरोजागारी बढेको बताउँदै उपाध्यायले श्रमको सम्मान गर्न सके नेपालमा पनि पर्याप्त रोजगारी उपलब्ध हुन सक्ने धारणा ब्यक्त गर्नुभयो । कोही पनि नेपाली भोकमरी र खानै नपाएका कारण देश छोड्न बाध्य नभएको दाबी गर्दै उहाँले नेपाली भएर नेपालीलाई गाली नगर्न आग्रह समेत गर्नुभयो ।नेपालमा बेरोजगारी छ ।, युवाले रोजगारी पाएका छैनन् ।, ‘हो, शिक्षा स्वास्थ्य जस्ता आधारभूत कुरामा सोँचे जस्तो भएको छैन ।, तर खानै नपाएर भोकमरी लागेर देशै छाडेर हिडेका छैनन्’,– गलत मानसकिता त्याग्न आग्रह गर्दै उहाँले भन्नुभयो ।” नेपालको बिकासलाई युरोपको बिकास सँग तुलना गर्नु सान्दर्भिक नहुने तर्क गर्दै उहाँले देश कसरी सम्बृद्ध बनाउने भन्ने बिषयमा सबै नेपाली एकजुट भएर लाग्नुपर्नेमा जोड दिनुभयो ।
कार्यक्रममा बाल्दै नेपाली काँग्रेसका केन्द्रीय सदस्य एवं बागमती प्रदेश संसदीय दलका नेता तथा आर्थिक मामिला मन्त्री बहादुर सिंह लामाले आरोप प्रत्यारोप र नकारात्मक मानसिकता त्यागेर देशको विकास र सम्बृद्धिका लागि सबैले आँफूलाई सुधार गरेर अगाडि बढ्नुपर्ने बेला आएको बताउनुभयो । उहाँले राजनीतिक संघर्षबाट धेरै उपलब्धि हासिल भएको बताउँदै दायित्वबोध र जिम्मेवारीबोध नहुँदा बिकासले गति लिन नसकेको धारणा ब्यक्त गर्नुभयो । पोर्चुगलबासी नेपालीमा देखा परेका समस्याहरुको समाधान क्रमिक र प्रकृयागत रुपमा भईरहेको बताउँदै नेता लामाले बिदेशमा सिकेका सिपलाई देश निर्माणमा लगाउन प्रवासी नेपालीलाई आग्रह समेत गर्नुभयो ।
कार्यक्रममा नेपाली काँग्रेसका काभ्रे जिल्ला सभापति एवं बागमती प्रदेशका खानेपानी, उर्जा तथा सिँचाई मन्त्री तीर्थ बहादुर लामा, पार्टीका केन्द्रीय सदस्य नानुमाया बास्तोलाले शुभकामना मन्तब्य दिनुभएको थियो ।
समितिका सभापति युवराज पन्थीको सभापतित्व, उपसभापति बिपिन अर्यालको स्वागत तथा महामन्त्री अर्जुन अर्यालको सञ्चालनमा सम्पन्न भएको कार्यक्रममा नेपाली जनसम्पर्क समिति पोर्चुगलका संस्थापक सभापति पूर्ण बहादुर हमाल, पूर्व सभापति लक्ष्मी प्रसाद सापकोटा, पोर्चुगलका लागि पूर्व पर्यटनदूत रमेश कुमार गुरुङ, गैर आवासीय नेपाली संघका आईसिसी सदस्य राजकुमार थापा, संघका पोर्चुगल अध्यक्ष उमेश खड्का लगायतले बोल्नुभएको थियो ।
सो अवसरमा सहभागीहरुले पोर्चुगलमा रहेका नेपालीले झेल्नुपरेका समस्या, राहदानी लगायतका कागजात सम्बन्धी समस्या, शव ब्यबस्थापन, दूतावास आउन भएको ढिलाई लगायतका बिषयहरुको उठान तथा ध्यानाकर्षण गराएका थिए ।
स्पेनमा आयोजित सोसलिस्ट ईन्टरनेशनलको कार्यक्रममा भाग लिन युरोप आउनुभएका सहमहामन्त्री उपाध्याय सहितका काँग्रेस नेताहरु पोर्चुगलको कार्यक्रममा सहभागी भई शनिबार बेल्जियम तर्फ प्रस्थान गर्नुभएको छ ।
थप समाचार
पोर्चुगलमा अन्र्तराष्ट्रिय साहित्य सम्मेलन हुँदै
एकले अर्कोलाई औला ठड्याएर दैश बन्दैनः नेता रिजाल
