अधिकांश कर्मचारीमा कोरोना संक्रमण, तानसेन नगरपालिकाकाे अत्यावश्यक बाहेकका सबै सेवा बन्द

पाल्पा । कोरोना प्रभावका कारण तानसेन नगरपालिकाले अत्यावश्यक काम बाहेकका सबै सेवा बन्द गरेको छ ।नगरपालिकाले २३ जना कर्मचारी र जनप्रतिनिधिमा कोरोना पोजेटिभ देखिएपछि अत्यावश्यक बाहेकका सबै सेवा बन्द गरेको हो ।

३२ जना कर्मचारी र जनप्रतिनिधिको कोरोना परीक्षण गरिएकोमा २३ जनामा पोजेटिभ रिपोर्ट आएको प्रमुख प्रशासकीय अधिकृत पिताम्बर पाण्डेयले जानकारी दिनुभयो ।कार्यालय सञ्चालन गर्दा थप कर्मचारी, जनप्रतिनिधि र सेवाग्राहीलाई कोरोना संक्रमणकाे जोखिम कम गर्न अत्यावश्यक बाहेकका सबै सेवा बन्द गर्नुपरेको तानसेन नगरपालिकाका नगरप्रमुख अशोककुमार शाहीले बताउनुभयो ।