विद्यालयको भौतिक र शैक्षिक स्तरोन्नतिका लागि तिलोत्तमाको रेहरामा महायज्ञ हुने, महायज्ञस्थलमा ध्वजारोहण

सबलपोष्ट-तिलोत्तमा, २ असोज । रुपन्देहीको तिलोत्तमा १४ रेहरामा रहेको सरस्वति आधारभूत विद्यालयले विद्यालयको भौतिक र शैक्षिक स्तरोन्नतिका लागि श्रीरुद्र धनधान्याञ्चल महायज्ञ गर्ने भएको छ । २०३५ सालमा स्थापित विद्यालयको भवन जीर्ण भई भत्किएको र भवन निर्माणका लागि सरकारी निकायबाट सहयोग पाउन नसकेपछि विद्यालय भवन निर्माण ,शिक्षको स्तर उन्नति ,माध्यमिक तहसम्म कक्षा सञ्चालन तथा विद्यार्थीका निम्ति बस सेवा सञ्चालन र स्थानीयका निम्ति एम्बुलेन्स सञ्चालन गर्ने उद्देश्यले महायज्ञ गर्न लागिएको विद्यालयका अध्यक्ष काशीराम सुवेदीले बताउनुभयो ।

यज्ञ आयोजक समितिका अध्यक्ष दल बहादुर थापा मगरको अध्यक्षता तथा समाजसेवी कृष्णप्रसाद पन्थीको प्रमुख आतिथ्यमा भएको कार्यक्रममा गणपति चन्द्रमणि पौडेलसहित बटुकहरुको स्वस्ति वाचन सहित प्रमुख अतिथि पन्थीले माहायज्ञको ध्वजारोहण र पूजा गर्नुभएको थियो । यज्ञ आयोजक समितिका सचिव दयाराम केवटको सञ्चालनमा भएको कार्यक्रममा प्रमुख अतिथि पन्थील ेसबैको सहयोगले विद्यालयको लक्ष्य पूराहुने विश्वास व्यक्त गर्दै रु १लाख ५१हजार रुपैया सहयोगको घोषणा गर्नुभयो ।

कार्यक्रममा विश्वराज बराल मोहन दत्तसुवेदी,सल्लाहकार समिति संयोजक हरिराम केवट,गणपति चन्द्रमणि पौडेल,जनता माविका प्र अ प्रचण्ड जिसि, समाजसेवी श्यामलाल खरेल,लक्ष्मण सुवेदी,जनप्रतिनिधि भम बहादुर बूढा,दिनेश अर्याललगायतले विद्यालयको उन्नतिका लागि गरिने महायज्ञमा सहयोग गर्ने प्रतिवद्घता व्यक्त गर्नुभएको थियो । पुस २ गतेबाट सञ्चालन हुने महायज्ञमा भारतको बृन्दावनका वाचक चित्रलेखा,स्वामी नन्दकिशोर वशिष्ठको रामलिलार रासलिला समेत प्रस्तुत हुने यज्ञ आयोजक समितिले जनाएको छ ।