आज बुधबार, शुभाशुभ कस्तो रहनेछ ? हेर्नुहोस् आजको दिन २०७५ माघ १६ गते

श्रीगणेशाय नमः ।। आज विक्रम संवत् २०७५ साल माघ महिनाको १६ गते बुधबार हो । वर्तमानमा विरोधकृत् नामक संवत्सर चलिरहेको छ । सूर्य उत्तरायणमा छन् । हेमन्त ऋतु अन्तर्गत माघ कृष्णपक्षको दशमी तिथि बेलुका ७।९ बजेसम्म रहनेछ । यो महिनाका देवता माधव र मासदेवी रुक्मिणी हुन् । सूर्य मकर राशिमा रहेका छन् भने वृहस्पति वृश्चिक राशिमा छन् । अनुराधा नक्षत्र राति ८।१७ बजेसम्म रहनेछ । आज वृद्धि योग र वणिज करण रहेको छ । यसैगरी आज सूर्योदय ६।५४ मा छ भने सूर्यास्त बेलुका ५।४१ बजे हुनेछ ।

चन्द्रमा आज वृश्चिक राशिमा छन् । आज बुधबार विष्णु भगवान्को उपासनासँगै हरिया वस्तुको प्रयोग शुभ रहनेछ । यसैगरी आज सहिद दिवस पनि परेको छ ।

उपप्राध्यापक नारायणप्रसाद निरौला
ज्योतिषाचार्य, वास्तुविद् 
९८४१०१२२०३,९ ८०८२११२०५