आज सोनम ल्होसार, पञ्चाङ्गसहित हेर्नुहोस् आजको दिन २०७५ माघ २२ गते

श्रीगणेशाय नमः ।। आज विक्रम संवत् २०७५ साल माघ महिनाको २२ गते मंगलबार हो । वर्तमानमा विरोधकृत् नामक संवत्सर चलिरहेको छ । सूर्य उत्तरायणमा छन् । हेमन्त ऋतु अन्तर्गत माघ शुक्लपक्षको प्रतिपदा तिथि राति ३।४९ बजेसम्म रहनेछ । यो महिनाका देवता माधव र मासदेवी रुक्मिणी हुन् । सूर्य मकर राशिमा रहेका छन् भने वृहस्पति वृश्चिक राशिमा छन् । धनिष्ठा नक्षत्र अहोरात्र रहनेछ । आज व्यतिपात योग र किंस्तुघ्न करण रहेको छ । यसैगरी आज सूर्योदय ६।५१ मा छ भने सूर्यास्त बेलुका ५।४६ बजे हुनेछ ।

चन्द्रमा आज मकर राशिमा छन् । आज सोनम ल्होसार पर्व परेको छ । तामाङ समुदायको यो पर्व नयाँ वर्षका रूपमा हर्षोल्लासपूर्वक मनाउने गरिन्छ । माघ शुक्ल प्रतिपदामा सोनम ल्होसार पर्ने गर्दछ । यसैगरी आजबाट माघ शुक्लपक्षको आरम्भ पनि भएको छ ।