नेपाल शिक्षक सङ्घ तिलोत्तमाको आयोजनामा सञ्चालित पाँचदिने उद्घोषण (एंकरिङ) तथा व्यक्तित्व विकास तालिम सम्पन्न भएको छ । जेठ २७ गतेदेखि सञ्चालित तालिम पाँच दिनसम्म चलेको हो । उक्त तालिममा २७ जना सहभागीहरूले सक्रिय सहभागिता जनाएका थिए।
तालिममा प्रशिक्षकको रूपमा प्रशिक्षण विशेषज्ञ दिनेश खड्काले प्रशिक्षण दिनुभएको थियो । प्रशिक्षण अवधिभर सहभागीहरूले उद्घोषण कला, मञ्च संचालनका सीप, आवाजको प्रयोग, प्रस्तुतीकरण शैली, तथा आत्मविश्वास विकास जस्ता महत्वपूर्ण पक्षहरूमा ज्ञान तथा व्यवहारिक अभ्यास प्राप्त गरेका थिए।
कार्यक्रमको समापन समारोहमा बोल्दै नेपाल शिक्षक सङ्घका केन्द्रीय सदस्य कुल प्रसाद लामिछानेले उद्घोषण कला शिक्षालय तथा विद्यालय गतिविधिमा अत्यन्त उपयोगी हुने भन्दै यस्ता तालिमहरूलाई निरन्तरता दिनुपर्नेमा जोड दिनुभयो । तालिमका सहभागीहरूले पनि आफूले सिकेका सीपहरू विद्यालय तथा समुदाय स्तरमा प्रयोग गर्ने प्रतिबद्धता जनाएका थिए ।
कार्यक्रममा पशुपति मा.वि.का प्रधानाध्यापक बेदनारायण भट्टराई, नेपाल शिक्षक सङ्घ तिलोत्तमा अध्यक्ष प्रचण्ड जि.सी. लगायतले शुभकामना दिनुभएको थियो ।
प्रशिक्षार्थी कृष्ण प्रसाद कंडेलको अध्यक्षता तथा सुस्मिता लामिछानेको स्वागतमा भएको समापन कार्यक्रममा तालिममा सहभागिहरुले आआफ्नो अनुभव राख्ने तथा विभिन्न प्रतिभा प्रदर्शन समेत गरेका थिए ।
तालिम संयोजक खेमानन्द चापागाईको संयोजनका भएको तालिमको समापन समारोहको सञ्चालन सरस्वती पाण्डे, ममता पौडेल, मिरा भुषाल, करिष्मा शर्मा, शर्मिला ढकालले संयुक्त रुपमा गर्नुभएको थियो ।
