प्रथम गैडहवा ताल महोत्सबको माहोल बढ्दै

जगिलाल थापा/गैडहवा-प्रथम गैडहवा ताल महोत्सबको शुरुवाती समय अर्थात एक साता सम्म शुन्य माहोल रह्यो।तर ७ गते देखि महोत्सब स्थलमा दर्शकहरुको भिड बिस्तारै बढ्दै छ।हिजो मात्र दर्सक संख्या १ हजार पुगेको थियो।भारतिय कलाकार राजा भोजपुरियाको प्रस्तुती हेर्न राजा भोजपुरियाका श्रोता तथा दर्शकहरुको खचाखच भएको थियो।
महोत्सबको शुरुवाती समयमा महोत्सब प्रति स्थानिय दर्शकहरुको सहभागिता निराशाजनक देखिएपछि महोत्सबलाई बन्द गर्ने सम्म सोंच बनाएको गैडहवा गाउपालिकाले ७ र ८ गते दर्शकहरुको भिड बढ्दै गएको देखेपछि गाउपालिकाले महोत्सबको समय थप्ने निर्णय गरेसंगै १० गते सम्म भनिएको महोत्सबको समयावधी १५ गते सम्म बनाईएको छ।

आज महाशिबरात्रीको दिन महोत्सबलाई भब्य बनाउन भारतिय सुप्रसिद्ध कलाकार तथा भोजपरि गायक राजा भोजपुरियाको विशेष प्रस्तुती रहनेछ भने राजा भोजपुरियाको साथमा भारतिय मोडल डान्सर सन्ध्या र मुस्कानको प्रस्तुती रहने सांस्कृतिक संयोजक राजन चौधरीले जानकारिो दिनु भएकोछ।यसैगरी स्थानिय कुमारी कलाकेन्द्रका कलाकारहरुको पनि प्रस्तुती रहने महोत्सबमा आज देखि बाल उधान र रोटेपिङको ब्यबस्था गरिएको महोत्सब ब्यबस्थापक रबि रानाले जानकारी दिनु भएकोछ।

महोत्सबमा डुंगा मुख्य आकर्षण-गैहवातालको पर्या पर्यटनको प्रचार प्रसार र पर्द्धनका लागि संचालन गरिएको प्रथम गैडहवाताल महोत्सबमा गैडहवातालमा हालै संचालनमा ल्याइएको डुंगा शयर प्रति दर्शकहरु आकर्षित बनेको र दैनिक रुपमा स्थानिय र बाह्य गरी ७ देखि ८ सय पर्यटकहरु डुंगा शयरका लागि आउने गरेको ताल ब्यबस्थापक शैलेन्द्र कुमार गुप्ताले जानकारी दिनु भएकोछ।गैडहवा गाउपालिकाले २० लाख खर्च गरेर गैडहवातालमा ४ वटा डुंगा गत माघ २६ गते देखि संचालनमा ल्याएकोछ।शान्तीका अग्रदुत गौतम बुद्धको जन्म स्थला लुम्बिनीसंग गैडहवाताललाई जोडेर गैडहवामा पर्यटक भित्र्याउने लक्ष्य सहित गैडहवामा जल पर्यटनको बिकास हुने गाउपालिकाले योजना बनाएको छ।