Tag: शान्ति नमुना#Shanti_school

तिलोत्तमा, असोज २८ । रुपन्देहीको तिलोत्तमा–५ मणिग्राममा रहेको शान्ति नमुना माध्यमिक विद्यालयको शान्ति स्पोट्स क्लवको आयोजनामा जारी जिल्ला स्तरीय सेभेन ए साइड फुटवल प्रतियोगितामा आइतबार क्वाटर फाइनलका खेल सम्पन्न भएका छन् ।
रुपन्देही जिल्लामा रहेका सामुदायिक तथा संस्थागत विद्यालयमा कार्यरत शिक्षक तथा कर्मचारीबीचको प्रतियोगितामा आज भएका खेलहरुबाट सेमि फाइनल समिकरण पूरा भएको हो । आज भएको खेलबाट होराइजन जिविस, शान्ति नमुनाको समूह बि, अक्सफोर्ड मा.वि. र न्यू होराइजन मा.वि. सेमिफाइनलमा प्रवेश गरेको प्रतियोगिताका संयोजक दिनेश खड्काले जानकारी दिनुभयो ।
आजको खेलमा शान्ति नमुना टिम ए का गणेश पराजुली, अरनिको बोर्डिङका अजय थापा र न्यू इन्भाइरमेन्ट मा.वि.का पदम राना म्यान अफ दि म्याच भई पुरस्कृत भएका छन् ।
सोमबार ३ बजे हुने पहिलो सेमिफाइनल खेलमा होराइजन जिविएसले शान्ति नमुना समूह बि को सामना गर्नेछ भने ४ बजे हुने दोस्रो सेमिफाइनल खेलमा अक्सफोर्ड मा.वि.र न्यू होराइजन मा.वि.आमने सामने हुने छन् ।
प्रतियोगितामा २० समूहको सहभागिता रहेको छ । प्रतियोगिताका विजेताहरुलाई खसी सहित ट्रफी, प्रमाणपत्र तथा मेडल प्रदान गरिने छ । त्यस्तै बेष्ट मिड फिल्डर, बेष्ट डिफेन्डर, बेष्ट किपर, बेष्ट स्टाइकर , प्लेयर अफ दि टुर्नामेन्ट, सर्वाधिक गोलकर्ता र अनुशासित खेलाडीलाई समेत पुरस्कृत गरिने आयोजकले जनाएका छन् ।

तिलोत्तमा, असोज २७ । रुपन्देहीको तिलोत्तमा–५ मणिग्राममा रहेको शान्ति नमुना माध्यमिक विद्यालयको शान्ति स्पोट्स क्लवको आयोजनामा जारी जिल्ला स्तरीय सेभेन ए साइड फुटवल प्रतियोगितामा आइतबारदेखि क्वाटर फाइनलका खेल हुने भएका छन् ।
रुपन्देही जिल्लामा रहेका सामुदायिक तथा संस्थागत विद्यालयमा कार्यरत शिक्षक तथा कर्मचारीबीचको प्रतियोगितामा आज भएका खेलहरुबाट क्वाटर फाइनल समिकरण पूरा भएको हो । आज भएको खेलमा आयोजक शान्ति नमुनाका दुवै समुह, लिटल प्याराडाइज बोर्डिङ, होराइजन जि.वि.एस., अरनिको बोर्डिङ, अक्सफोर्ड मा.वि., न्यू होराइजन मा.वि. र न्यू इन्भाइरमेन्ट मा.वि.ले क्वाटर फाइनलका लागि सिट सुरक्षित गरेका हुन् ।
आज सञ्चालित खेलहरुमा सिद्धार्थ बोर्डिङका संगम सिंजाली, स्कलर्स होमका विवेक मल्ल, जनभावना मा.वि.का युवराज भट्टराई, केरवानी मा.वि. का संगम काफ्ले, शंकरनगर दुर्गादत्त मा.वि.का सागर थापा, देवदह मा.वि.का दिल कुमार बि.क., बुटवल पब्लिकका पूर्ण बहादुर श्रेष्ठ, पशुपति मा.वि. का रविन सारु म्यान अफ दि म्यान भई पुरस्कृत भएको शान्ति स्र्पोट्स क्लवका अध्यक्ष राजेन्द्र के.सी. बताउनुभयो ।
आइतबारको पहिलो खेलमा बिहान ७ बजे होराइजन जिविसले शान्ति नमुना समूह ए को सामना गर्नेछ भने दोस्रो खेलमा लिटल प्याराडाइज र शान्ति नमुनाको समूह बि आमने सामने हुनेछन् ।
त्यस्तै साँझ हुने तेस्रो खेलमा अरनिको बोर्डिङ र अक्सफोर्ड मा.वि.ले प्रतिस्पर्धा गर्नेछन् भने अन्तिम खेलमा न्यू होराइजन मा.वि.ले न्यू इन्भाइरमेन्ट मा.वि.को सामना गर्ने प्रतियोगिताका संयोजक दिनेश खड्काले जानकारी दिनुभयो ।
प्रतियोगितामा २० समूहको सहभागिता रहेको छ । प्रतियोगिताका विजेताहरुलाई खसी सहित ट्रफी, प्रमाणपत्र तथा मेडल प्रदान गरिने छ । त्यस्तै बेष्ट मिड फिल्डर, बेष्ट डिफेन्डर, बेष्ट किपर, बेष्ट स्टाइकर , प्लेयर अफ दि टुर्नामेन्ट, सर्वाधिक गोलकर्ता र अनुशासित खेलाडीलाई समेत पुरस्कृत गरिने प्रतियोगिताका प्राविधिक संयोजक शुसिल पाण्डेले बताउनुभयो ।

तिलोत्तमा, असोज २५ । रुपन्देहीको तिलोत्तमा–५ मणिग्राममा रहेको शान्ति नमुना माध्यमिक विद्यालयको स्पोट्स क्लवको आयोजनामा आज बिहिबारदेखि जिल्ला स्तरीय सेभेन ए साइड फुटवल प्रतियोगिता शुरु भएको छ । रुपन्देही जिल्लामा रहेका सामुदायिक तथा संस्थागत विद्यालयमा कार्यरत शिक्षक तथा कर्मचारीबीचको प्रतियोगितामा आजको खेलमा सिद्धार्थ इङ्गलिस बोर्डिङ स्कुल र जनभावना मा.वि. विजयी भएका छन् ।
आजको पहिलो खेलमा सिद्धार्थले नविन औद्योगिक कद्धर बहादुर रीता माध्यमिक विद्यालयललाई पेनाल्टी सुट आउटमा हराउदै अघिल्लो चरणमा प्रवेश गरेको हो ।
त्यस्तै दोस्रो खेलमा जनभावना मा.वि.ले जन ज्योती मा.वि.लाई पेनाल्टी सुट आउटमा हराउदै अघिल्लो चरणको यात्रा तय गरेको हो । दुवै खेलहरु निर्धारित समयमा गोल रहित बराबरीमा टुङ्गिएपछि पेनाल्टीमा धकलिएका थिए ।
आजको पहिलो खेलमा नविन औद्योगिकका केशव भण्डारी र दोस्रो खेलमा जन ज्योतीका सुदिप पाण्डे म्यान अफ द म्याच भएर पुरस्कृत भएका छन् ।
यसअघि क्लवका अध्यक्ष राजेन्द्र के.सी.को अध्यक्षतामा भएको उदघाटन कार्यक्रममा बोल्दै शिक्षा विकास तथा समन्वय इकाई रुपन्देहीका प्रमुख माधव बन्जाडेले खेलको माध्यमबाट विद्यालयका शिक्षक कर्मचारीबिचको आत्मीयता अभिबृद्धि हुने हुँदा यस प्रकारको खेल निकै महत्वपूर्ण रहेको बताउनुभयो ।
कार्यक्रममा तिलोत्तमा नगरपालिकाका शिक्षा शाखा प्रमुख गंगाराम आचार्य, कार्यपालिका सदस्य सुरेन्द्र श्री, विद्यालयका अध्यक्ष शरद भट्टराई, प्रधानाध्यापक कुल प्रसाद लामिछाने लगायतले खेलाडीहरुलाई सफलताको शुभकामना दिनुभएको थियो ।
प्रतियोगिता अन्तरगत भोलीको खेलमा पर्ल सेकेन्डरी स्कुलले देवदह माध्यमिक विद्यालयको सामना गर्नेछ भने दोस्रो खेलमा शान्ति नमुनाको समुह सि र पशुपति मा.वि.को समुहबिच खेल हुने प्रतियोगिताका संयोजक दिनेश खड्काले जानकारी दिनुभयो ।
प्रतियोगितामा २० समूहको सहभागिता रहेको छ । प्रतियोगिताका विजेताहरुलाई खसी सहित ट्रफी, प्रमाणपत्र तथा मेडल प्रदान गरिने छ ।